الأحد، 1 مايو 2011
فى المحروسة إنت منكن تشوف أى حاجة فى أى حاجة وفى أى حتة .. إنت منكن تحلم بس وحلمك يتحقق مهما كان بس استنى مش هيتحقق لأى حد الأول عندى كام سؤال يا معلم :
1- إنت مين ؟؟
2- تقرب لمين؟؟
3- لك واسطة ولا ما لكش ؟؟
4- واد فهلوى وناصح ولا شخص نضيف ؟؟
5- تعرف تبقى بغمازات وبوشين وتغير جلدك وتتنصح ع الخلق ولا ؟؟
6- ..........
7- .................
8- .....................
ما هو أنا لو كملتلك باقى الأسئلة ربك وحده اللى يعلم منكن يجرالك إيه بس خلينا فى المهم , تعرف مين هنا فى المحروسة اللى أحلامه تبقى أوامر وأكيد بتتحقق وفوقيها ولا معاها ياخد بوسة هو صاحب الوشين والغمازات والفلهلوى واللى يتنصح واللى يعرف ينصب واللى يعرف يغير جلده واللى واللى وخد عندك كتيييييييييييييييير ...
هى دى بقيت المحروسة اللى منكن تخليك من طبال لرجل أعمال كبير لمحتكر السوق لرجل سياسات داهية لشخص تبقى المحروسة كلها فى إيديه وفى الآخر يتفهول ويقول للناس من أجلكم أنتم أنا سرقت البلد , يطلع زى البدر ليلة إختفائه ويقول دة احنا عايزين عمال البلد كلها شغالة والشغل على ودنه انا ناقصنى عمال ويصدقه الشعب الغلبان وتصدقه المحروسة .
 |
 |
 |
 |
 |
 |
 |
 |
 |
 |
 |
 |
 |
 |
 |
 |
منكن نرجع لورا شوية * طبــــال* يعنى هو كان طبال عازف درامز فاشل واحد مالوش أى ستين لازمة وفجأة ودون سابق إنذار دخل سوق رجال الأعمال ... ماشى مافيش مشاكل الراجل هيشتغل ويعمل نفسه من جديد ... وفجأة تانية الراجل عنده مبالغ مبالغ فيها شويتين بالنسبة للوقت اللى قضاه فى السوق ماشى يمكن ربنا فتحها عليه عن غيره ... أما الفجأة التالتة الراجل إحتكر السوق التجارى للحديد فى البلد !!! الراجل بقى صاحب مكانة فى السياسات والعمل السياسى وبقى له يد فى البلد يد باينة ويد مخفية ... الراجل بقى أخطبوط له بدل الذارع 10 وبكل ذراع شغال ما بيملش ... الراجل بقى له مكانة وكإنه الوالى ولا الوصى على البلد.
المحروسة ساكتة ومستسلمة ومسلمة ومتبسمة ولا تفهم لإيه وعشان إيه !!!
أهالى المحروسة مخنوقين جعانين عطشانين متهانين مذلولين مرعوبين و مقتولين مافيهومش روح ولا حياة !!!
و ســـاكــــــتين ومسلميـــــــــــــــــــــــــــــــن ولا تعرفش السبب ... أصل أهل المحروسة غصب عنهم بقالهم سنين وسنين بياكلو ويشربوا ويقرئو ويشوفوا ويحلموا بالخوف اللى كان ماليهم الحاكم وعصابته بيه .
وتفضل المحروسة عايشة وفيها نفس وفيها روح وحياة وتفتح عينيها كل صبح وتنادى على ولادها وتلمهم حواليها وياروح ما بعدك روح تانية هنحافظ عليكى بس للأسف على حساب كرامتنا :(
دة كان نموذج من الأحلام اللى بتكون أوامر وبتتنفذ فى غمضة عين ويتحوا اللى حلم من طبال لـــ حاكم إيده طايحة فى البلاد.
بس إستنى مش هكحيلك نهايته بس هقولك عرفت المحروسة وولادها كانو ساكتين ليه ؟؟؟
الاشتراك في:
تعليقات الرسالة (Atom)
0 التعليقات:
إرسال تعليق