الأحد، 1 مايو 2011
 |  |  |  |  |
 |  |  |  |  |
 |  |  |  |  |
بحبك يا حلوة وحبى ليكى واجب
بحبك وحبك فى قلبى والله ساكن
بحبك كل يوم جوا منى بتكبر أكتر
واقولك قدام الخلق ليكى أنا والله
عـــــــــــــــــــــــــــــــــــاشـــــــــــــق
حبيتك لما شوفت راسك عالية فوق
لما عرفت إنك من آلاف السنين مربية
لعدوك رعب وخوف
طبعت على جبينك بــــوســــة .. يمكن
يفرق ما بينى وما بينك الزمن .. وأبقى
برا أراضيكى مطرود !!!
حبيت ولادك لما نزلوا فى الشوارع
عشانك يا غالية قالوا نهتف نموت
وعشان ترابك أنينه فى القلب واجع
هنعلم ولادنا يعنى إيه ومين إنتى
إيه ومين إنتى
يعنى إيه يعلو رايتك فوق الأعادى
يعنى إيه يعلو إسمك فوق الوجود
معلش اعذرينى فى كلمتينى دول
حبيتك والرب يشهد وكل الكون
لكن ... إنتى حبيتينى ؟؟؟
طيب حبيتى فيا إيه وعليتيه !!
زى ما عمال بعلى فيكى فوق
هبى ثورى إنتفضى وافزعيهم
دول اللى حاكمينك هيعدموكى
هيخرسوكى يكبلوكى ويقتلوكى
هيعذبوكى ويهينوكى وفى الآخر
إتنين مخبرين يقتلوكى لما يسمعوكى
بتقولى الآآآآآآآآآآآآه
إسمعى صرختى لما أقولك بحبك
واعذرينى لما أقولك تعبت
بس اعرفى يا غالية
أنا بس تعبت لما اتهانتى فى كل مطرح
بتعب لما أشوف صورتك متهانة فى كل الكون
أنا ليكى قلت ميت كلمة بحبك وعشانك
قلت ألف آه وآه وآه
لما غدر بيكى وبيا الزمن
وابتعدنا واشتاقتلك
طلبت منهم إذن ولو ساعة أدخلك
أدخل ازور ترابك وهواك ونيلك وشمسك
أدخل ازور عيالك وبعد ما أمشى اسأليهم
إسأليهم أنا عنك قلت إيه وكمان
غازلت ازاى عيونك !!
بحبك هاتى إيدك فى إيدى ومعانا
إيدين ولادك وبناتك
قومى معانا يا غالية نرجعلك حقوقك
أصلى أنا
بحبك يا حلوة وحبى ليكى واجب
بحبك وفى قلبى حبك والله ساكن
بحبك كل يوم جوا منى بتكبر أكتر
واقولك قدام الخلق ليكى أنا والله عاشق
<3<3<3
بـــــــــحـــــــــبـــــــــــك يا مـــــــــــــــــــــــــــصر
دى كنت كتباها قبل الثورة بكتير كتبتها يوم 10- 10- 2010 اليوم اللى نزل فيه شباب وبنات 6 أبريل للشارع وهتفوا للحرية
الاشتراك في:
تعليقات الرسالة (Atom)
0 التعليقات:
إرسال تعليق